今晚台灣「第24屆金曲獎」紅地毯一環,最哄動都可以講係一直唔肯認拍拖嘅林宥嘉同鄧紫棋(G.E.M.)世紀拖手啦!
G.E..M著住一套藍色晚裝,好成熟高貴,佢同林宥嘉一落車就拖住手,全場即時起哄!然後佢哋行得好慢,G.E.M.更差啲Kick低跌倒,林宥嘉即時好扶一扶佢,之後仲幫佢整理好裙擺,真係好細心呀!!!
然後兩個人上台講咗兩句,兩個都有被提名,又互相為對方打氣加油,今次第一次公開拖手,唔通想借今次金曲獎公開情侶關係?
不過佢兩個行完紅地毯之後受訪,依然死口唔認有一齊,話只係互相支持對方嘅音樂喎!Yoga又話拖手只係因為紳士風度。咁問佢哋係咪有齊齊歐遊,佢話可以睇佢fb,都冇打卡?G.E.M.亦都唔認有一齊歐遊,不過,你哋信唔信先?
http://hk.apple.nextmedia.com/enews/realtime/20130706/51536521 |